सीएनएन हिरो म्यागी डोयनले सञ्चालन गरेको बालगृह अवैध

सुर्खेत, फागुन १७ । सीएनएन हिरो अमेरिकन नागरिक म्यागी डोयनले सुर्खेतमा सञ्चालन गरेको बालगृह अबैधानिक रहेको पाइएको छ। महिला तथा बालबालिका कार्यालय सुर्खेतको अनुगमनका क्रममा डोयनको बालगृह अबैधानिक पाइएको हो।

टुहुरा बालबालिकालाई राखिएको भनिएको बालगृह सञ्चालनका लागि कुनै पनि निकायबाट स्वीकृति नलिइएको अनुगमनका क्रममा पाइएको छ। ‘अनुगमनका क्रममा बालगृह गर्दा नै नगरी सञ्चालन गरेको पाइयो महिला तथा बालबालिका कार्यालय सुर्खेतकी महिला विकास प्रमुख जमुना पौडेलले भनिन्,‘टुहुरा बालबालिकाको विषयमा पनि गम्भीरतापूर्वक छानविन भइरहेको छ।’

जिल्ला अवलोकनका क्रममा बालगृहमा बाबुआमा नभएका तीनजना बालबालिका मात्रै पाइएको छ। यसैगरी आमा भएका १५, बाबु मात्रै भएका १३ र बुबा आमाबारे थाहै नभएका दुई बालबालिका रहेको बालगृहको रेकर्डमा उल्लेख छ।

सो गृहमा कोपिला भ्याली सेवा समाजका अध्यक्ष टोपबहादुर मल्लाका आफन्त मात्रै ३१ जना रहेको स्रोतले जानकारी दिएको छ। राजधानी दैनिकमा समाचार छ।