बार्सिलोना सेमिफाइनलमा,एथ्लेटिको बाहिरियो

एजेन्सी,माघ १४ । एथ्लेटिक बिल्बाओलाई पराजित गर्दै बार्सिलोना स्पेनिस कोपा डेल रे फुटबल प्रतियोगिताको सेमिफाइलमा प्रवेश गरेको छ । बुधबार राति भएको क्वाटरफाइलनको दोस्रो लेगमा एथ्लेटिको बिल्बाओलाई ३–१ ले हराएको बार्सिलोना समग्रमा ५–२ को जितसहित सेमिफाइलमा प्रवेश गरेको हो । पहिलो लेगमा बार्सिलोना २–१ ले विजयी भएको थियो ।

बुधबार रातिको खेलमा १२ औं मिनेटमा इनाकी विलियम्सले दिलाएको सुरुवाती अग्रता जोगाउन नसक्दा एथ्लेटिको बिल्बाओ पराजित भयो । खेलको दोस्रो हाफमा लुइस सुवारेजले गोल गर्दै बार्सिलोनालाई खेलमा बराबरीमा ल्याए । त्यसपछि जेरार्ड पिके र नेयमारले एक–एक गोल थप्दै बार्सिलोनाको जीत सुनिश्चित गरे । उता, सन् २०१३ को विजेता एथ्लेटिको म्याड्रिड भने सेल्टाभिगोसँग ३–२ ले पराजित हुँदै प्रतियोगिताबाट बाहिरिन पुग्यो ।

पहिलो लेगमा यी दुई टिमले गोल रहित बराबरी खेलेका थिए । सेल्टा भिगोका लागि पाब्लो हर्नान्डेजले दुई तथा जोन गाइडेटीले एक गोल गरे । एथ्लेटिको मड्रिडका लागि एन्टोनी ग्रिजम्यान र एन्जेल कोरियाले एक एक गोल गरे । बिहिबार भ्यालेन्सियाले लास पाल्मास र सेभियाले मिरान्डेजसँग खेल्नेछ ।