भट्टराईको नयाँ शक्तिमा माओवादीका २२ जना थपिए(सूचीसहित)

काठमाडौं,माघ १२ । एमाओवादी परित्याग गरी नयाँ शक्ति अभियानमा लागेका डा.बाबुराम भट्टराईको नयाँ शक्तिमा माओवादीका २२ जना थपिएका छन् । राजधानीको अल्फबिटा हाउसमा पत्रकार सम्मेलनको आयोजना गरि ३५ सदस्यीय अन्तरिम केन्द्रीय परिषद् घोषणा गरिएको दुई दिन पछि सदस्य थप भएका छन् ।

नयाँ शक्ति नेपाल पार्टीको अन्तरिम केन्द्रीय परिषदको पहिलो चरणको ३५ सदस्यीय समितिमा पूर्व प्रशाशक र कलाकारहरु समेटिएका थिए । यो सहित केन्द्रीय परिषद्को संख्या ५७ पुगेको छ । थप भएका अधिकांश पूर्व माओवादी रहेका छन् । परिषदले पूर्णता पाउँदासम्म २ सय ६५ सदस्य हुने बताएका भट्टराईले दोस्रो पटक थप गरेको २२ सदस्य सबै आफूसँगै माओवादी छाडेर आउनेहरु रहेका छन् ।

थप गरिएका २२ सदस्यमा विप्लव माओवादी छाडेर आएका नेता ठाकुर चापागार्इँसमेत परेका छन् । चपागाइँ विप्लवका कार्यालय टिमकै सदस्य थिए । भट्टराईले दोस्रो पटक थपेको अन्तरिम केन्द्रीय परिषदमा पनि आफ्नी पत्नी हिसिला यमीलाई भने समेटेका छैनन् ।
१. कर्णध्वज केसी – प्यूठान
२ कलामुद्दीन राइन् – महोत्तरी
३ कल्पना धमला – धादिङ
४ कुमार पौडेल – सप्तरी
५ कृष्ण शर्मा – काठमाडौं
६ खिमलाल देवकोटा – कास्की
७ गंगा श्रेष्ठ – सिन्धुली
८ चिनक कुर्मी – नवलपरासी
९ ठाकुर चापागाईं – नवलपरासी
१० देवेन्द्र पराजुली – लम्जुङ
११ नवराज सुवेदी – प्यूठान
१२ भक्तबहादुर शाह – जाजरकोट
१३ डा. भोगेन्द्र झा – धनुषा
१४ महेन्द्र पासवान – सिराहा
१५ राजेन्द्र किराती – संखुवासभा
१६ रामकुमार शर्मा – महोत्तरी
१७ रामरिजन यादव – सिराहा
१८ लिला भण्डारी – कैलाली
१९ वलावती शर्मा – बाग्लुङ
२० वामदेव क्षेत्री – रुपन्देही
२१ सुशीला सिरपाइली – अर्घाखाँची
२२ सोनामसिंह स्याङतान – मकवानपुर