एजेन्सी,माघ १२ । दक्षिण अफ्रिकी क्रिकेट टोलीका पूर्व स्पिनर गुलाम महोम्मद बोदीमाथि २० वर्षको प्रतिबन्ध लगाइएको छ । घरेलु ट्वेन्टी–ट्वेन्टी क्रिकेट प्रतियोगिताका विभिन्न खेलमा म्याचफिक्सिङ अर्थात खेल मिलेमतो गरेको आरोपमा बोदीमाथि प्रतिबन्ध लागेको हो ।
उनी अब कुनै पनि किसिमका क्रिकेट गतिविधिमा संलग्न हुन पाउने छैनन् । सन् २०१५ को राम स्लाम ट्वान्टी ट्वान्टी क्रिकेटका विभिन्न खेलमा बोदीले म्याच फिक्सिङ गरेको आरोपमा प्रतिबन्ध लगाइएको बीबीसीले जनाएको छ। भारतमा जन्मिएका ३७ वर्षीय बोदीले सन् २००७ मा दक्षिण अफ्रिकाका लागि दुईवटा एक दिवसीय र एउटा ट्वान्टी ट्वान्टी क्रिकेट प्रतियोगिता खेलेका थिए। उनले अहिलेसम्म कुनै प्रतिक्रिया दिएका छैनन्।
No comments:
Post a Comment