चेल्सीले क्रिष्टल प्यालेसलाई हरायो

एजेन्सी,पुष २० । इंग्लिस प्रिमियर लिग अन्तर्गत आइतबार राति भएको खेलमा चेल्सी विजयी भएको छ । चेल्सीले क्रिष्टल प्यालेसलाई ३-० ले हराउँदै चेल्सी प्रिमियर लिग फुटबल प्रतियोगिताको १४ औं स्थानमा प्रवेश गरेको छ ।
क्रिष्टल प्यालेसको मैदानमा भएको खेलमा चेल्सीलाई विजयी गराउन ओस्कार, विलियन र डिएगो कोष्टाले एक एक गोल गरे । प्रिमियर लिग फुटबलमा २० चरणका खेलहरुको समाप्तीपछि ४२ अंकसहित आर्सनल शिर्ष स्थानमा रहेको छ । समान खेलबाट ४० अंक जोडेको लेष्टर सिटी दोस्रो स्थानमा रहेको छ भने तेस्रो स्थानको म्यान्चेस्टर सिटीको ३९ अंक छ ।