काठमाडौं,माघ ११ । कांग्रेसले लगातार दुई कार्यकाल जिल्ला सभापति भएकालाई १३ औं महाधिवेशनमा सोही पदमा उम्मेदवार हुन नपाउने निर्णय गरेको छ । पार्टी केन्द्रिय कार्यालय सानेपामा मात्रै ३० मिनेट बसेको बैठकले उक्त बैठकले ११औं र १२औं महाधिवेशनमा सभापति बनेकाले पुनः सोही पदमा उम्मेदवारी दिन नपाउने निर्णय गरेको हो । यो निर्णयसँगै कांग्रेसका १८ जिल्ला सभापतिले आगामी महाधिवेशनका लागि सभापति पदमा उम्मेदवारी दिन नपाउने भएका छन ।
यस्तै चैतसम्म आफुहरु महाधिवेशनमा लाग्नु पर्ने भएकाले संसद बैठक स्थगित गर्न माग गर्दै बैठकले मोर्चालगायत सबैलाई महाधिवेशनमा सहयोग गर्न र सरकारसँग पनि आवश्यक सुरक्षाको ब्यवस्थापन गरिदिन माग गरेको छ ।
आसन्न १३औँ महाधिवेशनको संघारमा रहेको कांग्रेसको गाउँ, नगर र वडाको अधिवेशन माघ १५ मा हुँदैछ भने माघ २२ मा क्षेत्र र माघ २५ मा जिल्ला अधिवेशन हुँदैछ । पार्टीको १३औं महाधिवेशन भने फागुन २० गतेदेखि २३ गतेसम्म काठमाडौंमा हुँदैछ ।
No comments:
Post a Comment