दिल्लीबाट काठमाडौं आउन लागेको जेट एयरवेजको जहाजमा बम आतंक

काठमाडौं,माघ ११ । भारतको राजधानी नयाँ दिल्लीबाट काठमाडौं आउन लागेको जेट एयरवेजको विमानमा बम राखिएको भन्दै फोन आएपछि आतंक फैलिएको छ । जेटको फ्लाइट 9W-260 मा बम हुनसक्ने खबर आएपछि उडान स्थगित गरि छानबिन सुरु गरिएको भारतीय समाचार एजेन्सी एएनआईले जनाएको छ। दिल्लीबाट १ बजेर २५ मिनेटमा काठमाडौंका लागि उड्न लागेको थियो । जेट एयरलाइन्सले एक विज्ञप्ति जारी गर्दै १०४ यात्रु र ७ जना चालक दलका सदस्य रहेको विमानमा बम राखेको फोन आएपछि यात्रुहरुलाई उतारिएको जानकारी दिएको छ ।