कहाँ-कहाँवाट पाउछ निजी कार,जीपले तेल (पम्पको सूचीसहित)

काठमाडौं,पुष २१ । नेपाल आयल निगमले बुधबारदेखि लटका आधारमा दिन बिराएर निजी चार पाङग्रे गाडीलाई तेल वितरण गर्दैछ । काठमाडौं उपत्यकाका ५३ वटा पेट्रोल पम्पलाई तेल बितरणको जिम्मा दिएको छ ।

निगमका अनुसार बुधबार १ देखि ६ लटसम्मका निजी कार जीपले पेट्रोल पाउनेछन् । यस्तै २४ गते ७ देखि १० लटसम्मका र २७ गते ११ लट भन्दा माथिका कार र जीपलाई पेट्रोल दिइने नेपाल आयल निगमले जनाएको छ । तोकिएको पम्पबाट बुधबार बिहान ९ बजेदेखि पेट्रोल बिक्री हुने र तोकिएको लट नम्बर अनुसार मात्र लाइन बस्न निगमले आग्रह गरेको छ । पेट्रोल भर्न जाँदा नविकरण भएको ब्लु बुक अनिवार्य बोक्न पनि निगमको अनुरोध छ ।