काठमाडौं,माघ १२ । भ्रष्टाचार अभियोग पुष्टि गर्दै अदालतबाट कैदसजाय सुनाइएका सरकारी कर्मचारी गौरीमाया घिमिरेबारे फैसला कार्यान्वयन निर्देशनालयको फाइलमा रहेको यो विवरणले केन्द्रीय अनुसन्धान व्युरोको फरार खोजी टोलीको ध्यान तान्यो ।
नागरिक दैनिकले समाचार छापेको छ-नेपाल कृषि अनुसन्धान परिषदमा प्राविधिक तहमा कार्यरत ३५ वर्षीया गौरीमायालाई विशेष अदालतले जागिर लगाइदिने प्रलोभन दिएर ठगी गरेको अभियोग पुष्टि गर्दै कैद र जरिवाना फैसला गरेको छ ।
आर्थिक बर्ष २०६९/७० मा परिषदमा प्राविधिक सहायक टि-४ पदको आवेदन खुलेको थियो । सोही क्रममा दरखास्त दिन गएका नगेन्द्र घिमिरेसमेतका पाँच जनासँग जागिर लगाइदिने प्रलोभन दिएर ३ लाख ९७ हजार उठाएको आरोप लाग्यो गौरीमायालाई ।
उजुरीपछि अख्तियार दुरुपयोग अनुसन्धान आयोगले वयान लिई उनीविरुद्ध अदालतमा भ्रष्टाचार मुद्दा दर्ता गरेको थियो ।अख्तियारको मुद्दामाथि सुनवाइ गर्दै विशेषले असोज २२ गते उनलाई दोस्रो करार गर्दै ६ महिना कैद र ३ लाख ९७ हजार जरिवाना फैसला गरे पनि उनी जेलचलान नहुँदा फैसला कार्यान्वयन हुन सकेको थिएन ।
No comments:
Post a Comment