भारतमा गएको शक्तिशाली भूकम्पमा ६ को मृत्यु, एकसय घाइते (अपडेट)

काठमाडौं,पुष २० । भारतमा सोमबार बिहानै गएको भूकम्पमा परी ६ जनाको ज्यान गएको छ । एकसय जना घाइते भएका छन् । भूकम्पमा ठूलो धनजनको क्षति भएको अनुमान गरिएपनि सबै विवरण आइसकेको छैन । स्थानीय समयअनुसार सोमबार बिहान चार बजेर ३५ मीनेट जाँदा मणिपुरको इम्फालबाट २९ किलोमिटर टाढा केन्द्र बनाएर ६.७ रेक्टर स्केलको भूकम्प गएको थियो । भूकम्प जाँदा नेपालमा समेत धक्का महशुस भएको थियो । काठमाडौंसहित पूर्वी नेपालमा भूकम्पको धक्का महशुस भएको राष्ट्रिय भूकम्प मापन केन्द्रले जनाएको छ । पूर्वी नेपाल ईलाम, झापा, पाँचथर लगायत क्षेत्रमा भूकम्पको महशुस भएको थियो ।