काठमाडौं,पुष २५ । बंगलादेशमा शुक्रबारदेखि सुरु भएको बंगबन्धु गोल्डकप फुटबलमा नेपालले आज आफ्नो पहिलो खेलमा मलेसियाको सामना गदैछ । नेपाल र डिफेन्डिङ च्याम्पियन मलेसियाबिचको खेल शामसुल हुडा रंगशालमा नेपाली समय अनुसार दिउँसो साढे २ बजेपछि सुरु हुनेछ ।
आयोजक बंगलादेशसहित आठ टोलीको सहभागिता रहेको प्रतियोगितमा नेपाल समूह ए मा छ । समूह ए मा नेपालसहित मलेसिया, श्रीलंका र आयोजक बंगलादेश छन् । यस्तै समूह बी मा बंगलादेशको २३ वर्ष मुनिको टोली, कम्बोडिया, बहराइन र माल्दिभ्स छन् ।
विराट महर्जनको कप्तानी रहेको नेपाली टोलीमा अधिकांश २३ वर्षमुनिका खेलाडी छन् । टोली बिहीबार बंगलादेश गएको थियो । नेपालले समूह चरणको दोस्रो खेलमा पुस २८ गते श्रीलंका तथा पुस ३० गते आयोजक बंगलादेशसँग खेल्नेछ ।
No comments:
Post a Comment