नेपालको विजयी सुरुवात, न्युजिल्याण्ड ३२ रनले पराजित

काठमाडौं,माघ १४  । बंगालदेशमा जारी आईसीसी यु १९ विश्वकप क्रिकेट प्रतियोगितामा नेपालले विजयी सुरुवात गरेको छ ।  बिहीबार भएको पहिलो खेलमा नेपालले बलियो प्रतिद्वन्द्वी न्यूजिल्यान्डलाई ३२ रनले पराजित  गरेको छ ।  पहिले ब्याटिङ गर्दै नेपालले दिएको २३९ रनको चुनौती पछ्याएको न्यूजिल्यान्ड सबै विकेट गुमाउँदै ४७.१ ओभरमा २०६ रनमै सीमित भएपछि नेपालले सहज जित दर्ता गरेको हो ।  नेपालका स्पिनरहरु चम्केपछि न्यूजिल्याण्डको ब्याटिङ धराशयी बन्यो । नेपालका दीपेन्द्र सिंह ऐरीले ३ विकेट, प्रेम तामाङले २ तथा सुनिल धमला, सन्दीप लामिछानेले एक–१ विकेट लिएका थिए ।

नेपालका लागि पहिलो विकेट सन्दिप लामिछानेले रचिन रविन्द्रलाई रन आउट बनाएका थिए । दोस्रो विकेट धमलाले लिएका थिए । उनले फिन एलेनलाई ११ रनमै आउट बनाएका हुन् । नेपालका लागि प्रेम तामाङले तेस्रो र चौंथो विकेट लिएका थिए । उनले ६० बलमा ३७ रन बनाएका जोश फिन्नी र ६८ बलमा ५२ रन बनाएका फिलिप्सलाई आउट बनाएका हुन् ।

पाचौं विकेटमा कुशल भुर्तेलले क्रिश्टियन लियोपार्डलाई रन आउट बनाएका हुन् । यस्तै छैठौं विकेटमा सन्दिप लामिछानेले ४४ बलमा १५ रन बनाएका जोश क्लाकर्शनलाई, सातौं आठौं र नवौं विकेट दिपेन्द्र सिंह ऐरीले लिए । अन्तिम विकेट आरिफ शेखले लिए । यसअघि नेपालले निर्धारित ओभरमा सात विकेट गुमाएर २ सय ३८ रन बनाएको थियो ।

नेपालका नेपालका नेपालका लागि कप्तान राजु रिजालले सर्वाधिक ४८ रनको योगदान दिए । उनले ६५ बल खेल्दा ६ चौका प्रहार गरेका थिए । आरिफ सेखले ६० बलमा ३९ बनाए । उनको इनिङमा ३ चौका सामेल थियो । राजविर सिंह ३८ बलमा २४ रन बनाएर आउट भए । सुनिल धमला १५, योगेन्द्र सिंह कार्की ६ आउट भए । राजवीर सिंह, दिपेन्द्र ऐरी र कुशल भुर्तेलले पनि महत्वपूर्ण रन बटुले । उनीहरुले क्रमशः २४, १६ र ३५ को योगदान दिए ।