१ खर्ब ४० अर्बमा मलेसियन एक्जियटाले किन्यो एनसेल

काठमाडौं,पुष ६ । नेपालको दोस्रो ठुलो इन्टरनेट सेवा प्रदायक कम्पनी एनसेल नेपालको इतिहासमा अहिलेसम्मकै ठूलो मूल्यमा विक्रि भएको छ । एक खर्व ४० अर्बमा भ्यालुएसनसहित एनसेलको प्यारेन्ट कम्पनी टेलियासोनेराले मलेसियाको कम्पनी एक्जियटालाई बिक्री गरेको हो। कम्पनिले आफ्नो स्वामित्वमा रहेको सेयर एक अर्ब तीन करोड डलरमा विक्रि गरेको छ । त्यसैगरी एनसेलको अनौपचारीक स्वामित्वमा रहेको निरज गोविन्द श्रेष्ठको सेयर पनि उक्त कम्पनिले भावना सिंह श्रेष्ठलाई चार करोड ८० लाख डलरमा विक्रि गरेको छ ।

त्यसैगरी एक्जियटाले भाइजर समूहसंग भएको १९ दशमलव ६ प्रतिशत सेयर पनि आफ्नो स्वामित्वमा लिएको छ । एनसेलमा यसअघि तीन पाटर्नर भएकोमा अब दुई मात्रै पाटर्नर भएका छन्। नर्वेजियन कम्पनी टेलियासोनेरा, कजाख कम्पनी भाइजर र नेपाली साझेदार निरज गोविन्दबाट अब ८० प्रतिशत सेयर स्वामित्व एक्जियटासँग हुनेछ भने बाँकी २० प्रतिशत सेयर भावना सिंह श्रेष्ठको सिंगापुरमा दर्ता भएको कम्पनी सुनिभेरा क्यापिटल भेञ्चरसँग हुनेछ।