भद्रगोल, जिरे खुर्सानी र मेरी बास्सै बन्द

काठमाडौं । भद्रगोल, जिरे खुर्सानी र मेरी बास्सै अनिश्चितकालका लागि बन्द भएका छन् । नेपाल टेलिभिजनबाट प्रसारण हुँदै आएका हास्य टेलिश्रृंखलाको प्रसारण गर्दै आएको कम्पनी ‘मिडिया हब’ र नेपाल टेलिभिजनबीचको आर्थिक लेनदेनका विवादका कारण भद्रगोल, जिरे खुर्सानी र मेरी बास्सै अनिश्चितकालका लागि बन्द भएका स्रोतले जनाएको छ । तीतो सत्यको भने यसअघिनै प्रसारण बन्द भइसकेको छ । भूकम्प, नाकाबन्दीजस्ता अप्ठ्याराले विज्ञापनमा आएको मन्दीका कारण नेपाल टेलिभिजनलाई मिडिया हब’ ले शुल्क घटाउन निवेदन हालेको थियो ।