काठमाडौं । विश्वको दश ठूलो मोवाइल ब्राण्डहरुमा पर्ने माइक्रोम्याक्स नयाँ मोडलको स्मार्टफोन बजारमा भित्राएको छ । माइक्रोम्याक्स मोबाइलको नेपालका लागि आधिकारिक विक्रेता पशुपति ट्रेड लिंक प्रा.लि.ले तेस्रो जेनेरेसनको क्यान्भास नाइट्रो सिरिजको नयाँ स्मार्टफोन ल्याएको हो । यो नयाँ स्मार्टफोनमा ५ इन्चको एचडी डिस्प्ले रहेको छ भने ३२ बीट १.४ जीएचजेडको अक्टाकोर मिडियाटेक प्रोसेसर र २ जीबी र्याम छ।
१६ जीबी इन्टरनल मेमोरी भएको यो फोनको मेमोरी ३२ जीबीसम्म बढाउन सकिने कम्पनीले जनाएको छ । १३ मेगापीक्सेलको प्रमुख क्यामरा र ५ मेगापीक्सेलको सेल्फी क्यामरा भएको यो स्मार्टफोनले एन्ड्रोइड ५.१ ललीपप ओएसमा काम गर्छ। यसमा २५०० एमएएच पावरको ब्याट्री रहेको छ । माइक्रोम्याक्स क्यान्भास नाइट्रो ३ ई३५२ नाम रहेको यो मोबाइलको मूल्य १५ हजार ८ सय ४० रुपैयाँ तोकिएको छ।
No comments:
Post a Comment