तीन हलिउड फिल्म जसले बलिउड फिल्मलाई चुनौती दिँदै १०० करोड कमाए

एजेन्सी । पछिल्ला वर्षहरुमा विश्व अर्थतन्त्रमा आफ्नो हिस्सा बढाउँदै लगेका चीन र भारत हलिउड फिल्मका लागि ठूलो बजार बन्न थालेका छन्। यी देशमा हलिउड फिल्मको प्रभाव र व्यापार बढिरहेको छ। यस वर्ष भारत हलिउड फिल्मका लागि फलदायी बन्न पुगे। ‘बजरंगी भाइजान’, ‘प्रेम रतन धन पायो’ तथा ‘बाहुबली’ जस्ता फिल्मले यस वर्ष भारतमा १०० करोड कमाए।
बलिउड फिल्महरुले मात्र १०० करोडको आँकडा पार गर्ने सिलसिलामा हलिउड फिल्मले पनि आफ्नो उपस्थिति जनाए। यसवर्ष भरतमा तीन हलिउड फिल्मले चर्चित १०० करोड क्लबमा सदस्यता लिए।
हलिउड फिल्म फास्ट एण्ड फ्यूरियस ७, ऐभेन्जर्स र जुरासिक वल्डले भारतमा १०० करोडको मानक आँकडालाई पार गरेका हुन्।
फास्ट एण्ड फ्यूरियस ७ ले १७२ करोड भारू कमाउँदै एतिहासिक रुपमा सबैभन्दा धेरै कमाउने हलिउड फिल्मको किर्तिमान राख्यो। त्यस्तै ‘जुरासिक वल्ड’ले १५२ करोड भारूको कमाइ गर्दा अमेरिकन सुपरहिरो फिल्म ‘एभेन्जर्स’ले १११ करोड भारू कमायो।
यी तीन फिल्मबाहेक ‘अवतार’ र ‘द अमेजिङ स्पाइडर’ फिल्मले मात्र यो सफलतालाई आफ्नो पक्षमा पार्न सकेका छन्। यी फिल्मबाहेक अरु फिल्मले पनि बलिउडकै दब्दबा रहँदै आएको भारतको फिल्म बजारमा उल्लेखनिय व्यापार गरेका छन्। आगामी वर्षहरुमा यो संख्या अझै बढ्ने व्यापार विश्लेष्कहरुको धारणा छ।
-सेतोपाटी