रौतहटमा प्रहरीको गोली लागि एक आन्दोलनकारीको मृत्यु

गौर,पुष ५ । रौतहटको गौरमा प्रहरीको गोली लागेर एक जना आन्दोलनकारीको ज्यान गएको छ । २ जना प्रहरी घाइते भएका छन् । विपी चोकमा प्रहरीको गोली लागेर तेजापाकड गाविसका १७ वर्षे कबरेज आलमको मृत्यु भएको हो । पेटमा गोली लागेका उनलाई तत्कालै रौतहट जिल्ला अस्पताल गौर पुर्‍याइएको थियो। चिकित्सकले उनलाई त्यहीँ मृत घोषित गरे। मृतक साह जुद्ध उच्चमावि गौरमा कक्षा १० मा अध्ययनरत थिए। मामा शेख ओमेससँगै उनी बिहानैदेखि मधेसी मोर्चाको आन्दोलनमा सहभागी थिए।