म्याग्दी,मंसिर १३ । जिल्ला प्रशासन कार्यालय म्याग्दीनजिकै ठूला वरपीपलका रुख छन् । त्यहाँ चारैतर्फ फैलिएको खुला चौतारो पनि छ । चौताराअगाडिको खुला चौरभरि सर्वसाधारण व्यग्र प्रतीक्षा गरिरहेका छन् । उनीहरुमा कौतुहुलसँगै अनुहारमा अभावको पीडा पनि स्पष्ट झल्किएको देखिन्छ ।
बेनीबजारको वीरेन्द्रचोकमा शनिबार दिउँसो देखिएको यो दृश्य अरु केही नभएर तराई आन्दोलन र भारतीय नाकाबन्दीका कारण करिब तीन महिनापछि जिल्लामा भित्रिएको खाना पकाउने ग्यास गोलाप्रथा प्रणालीबाट वितरण गर्न आयोजित कार्यक्रमको हो ।
जिल्ला प्रशासन कार्यालयको संयोजनमा भएको सर्वपक्षीय बैठकको निर्णयबमोजिम जिल्लामा भित्रिएको खाना पकाउने ग्यास पारदर्शी तरिकाले वितरण गर्न गोलाप्रथा प्रणाली अपनाइएको प्रमुख जिल्ला अधिकारी सागरमणि पाठकले बताए । आजको अन्नपूर्ण पोस्ट दैनिकमा खबर छ ।
No comments:
Post a Comment