काठमाडौं,मंसिर १४ । संयुक्त लोकतान्त्रिक मधेसी मोर्चाले आन्दोलन झन् कडा पार्ने निर्णय गरेको छ । सरकार वार्तामा गम्भीर नभएको आरोप लगाउँदै मधेसी मोर्चा सहितको गठबन्धनले आन्दोलनका बारेमा थप गृहकार्य गरी मोर्चाले अबदेखि विराटनगरस्थित रानी भन्सार नाकामा पनि धर्ना बसेर आवत–जावत ठप्प पार्ने निर्णय गरेको छ ।
पर्साको वीरगञ्जस्थित भन्सार नाकामा धर्ना जारी राखेको मोर्चा रानी भन्सार नाका पनि धर्ना दिने तयारी गरेका हुन् । संघीय समाजवादी फोरमका अध्यक्ष उपेन्द्र यादवले अबको आन्दोलनलाई अनुशासित बनाइने बताउनु भएको छ । सोमबार विराटनगरमा कार्यकर्ता प्रशिक्षण पछि पत्रकारसँग कुरा गर्दै उहाँले आन्दोलनलाई व्यवस्थित, मर्यादित र अनुशासित बनाएर लैजाने बताउनु भएको हो । पछिल्लो राजनीतिक अवस्थाबारे छलफल गर्न मोरङको विराटनगरस्थित संघीय समाजवादी फोरम नेपालका अध्यक्ष उपेन्द्र यादवको निवासमा मोर्चाका नेताहरुको बैठक बसेको थियो ।
मोर्चाले विरगन्ज लगायतका पश्चिमका नाकामा धर्ना भईरहेका बेला पुर्वी नाका खुकुलो भएको भन्दै कडाई गर्ने निर्णय गरेको हो । रानीनाकामा धर्ना दिनका लागि सुनसरी, मोरङ लगायतका जिल्लाहरुबाट जनसहभागिता जुटाउने मोर्चाले निर्णय गरेको छ ।
No comments:
Post a Comment