दोधारा चाँदनी छात्रा फुटबल:शारदा उच्च माबिको पोष्टमा सनराईजको ६ गोल

पप्पु गुरुङ्, दोधारा चाँदनी,मंसिर १३ । कञ्चनपुरको दोधारा चाँदनीमा जारी छात्रा फुटबल प्रतियोगितामा आज सनराईज उच्च माबि बिजय भएको छ । लैगिंक हिंसा बिरुद्धको १६ दिने अभियानको सन्दर्भमा लैगिंक हिंसा न्युनिकरणका लागि छात्रा फुटवल प्रतियोगिता दोधारा चाँदनीको आजको खेलमा बिरुद्ध ० का विरुद्ध ६ गोलले शारदा उच्च माबि दोधारा चाँदनीलाई पराजित गर्दै युनिक सनराई उच्च माबिले जित हासिल गरेको छ ।

निकै प्रतिस्पर्धात्मक खेलमा शारदा उच्च माबि दोधारा चाँदनी र युनिक सनराईज उच्च माबिले खेल संचालनको १० मिनेट नबित्दै पहिलो गोल गरेर अग्रता हासिल गरेको थियो । मध्यान्तर सम्म ३ गोल र मध्यान्तर पछि ३ गोल गरेर युनिक सनराईज उच्च माबिले बिजय हासिल गरेको थियो । ८ टिमको सहभागिता रहेको प्रतियोगितामा भोली सामुदायिक सुरक्षा समिति दोधारा चाँदनी र अम्बिका उच्च माबि दोधारा चाँदनीको का विच खेल हुने आयोजक समितीले जनाएको छ् । सशस्त्र हिंसा न्युनीकरण तथा सामुदायिक सुरक्षा सवलीकरण परियोजनाको सहयोगमा युनिक सनराई उच्च मावि, सामुदायिक सुरक्षा समिति दोधारा चाँदनी र युवा अभियानको संयुक्त अयोजनामा छात्रा फुटवल प्रतियोगिताको आयोजना गरेको हो ।

हिजो भएको उदघाटन समारोहमा ओमपुष्पाञ्ली ईगंलिस स्कुल र आयोजक टिम युनिक सनराईज उच्च मावि को छात्रा टिम बिच सदभाव खेल खेलिएको थियो । युनिक सनराईज बिद्यलायका ब्यवस्थापन समितिका अध्यक्ष टोप बहादुर खत्रीको सभापतित्वमा तथा सशस्त्र प्रहरी सिमा सुरक्षा बल मझगाँउका सशस्त्र प्रहरी उपरिक्षक तारादत्त पन्तको प्रमुख आथित्वमा सम्पन्न भएको हिजोको उद्धघाटन कार्यक्रममा महिला अधिकारकर्मी भगवती थापा, जिल्ला फुटवल संघ जिल्ला अध्यक्ष भीमबहादुर थापा, एभिआएससिएस परियोजनाका परियोजना अधिकृत धनबहादुर थारु लगायत बिभिन्न राजनैतिक दल, स्थानिय संघ संस्थाका पदाधिकारीहरुको सयुक्त उपस्थितिमा फुटवल प्रतियोगिताको उद्धघाटन गरिएको थियो । यहि मंसिर १८ गते सम्म सञ्चालन हुने आयोजक संस्थाहरुले जनाएको छ् ।