एनसेलमा खुल्यो कांग्रेसी सरकारका संचारमन्त्री रिजालको सनसनीपूर्ण घुस काण्ड

काठमाडौं,मंसिर १५ । निजी क्षेत्रको मोबाइल सेवा प्रदायक कम्पनी एनसेलको लगानीकर्ता टेलियासोनेराले मुनाफाको रकम विदेश लैजान कानुनी अड्चन देखाएपछि जलविद्युत क्षेत्रमा लगानी गर्ने योजना बनाएको समाचार सार्वजनिक भएको थियो । विदेशी लगानी भित्र्याउन दिने तर, मुनाफा लैजानको लागि अनुमति माग्दा तत्कालीन संचारमन्त्री मिनेन्द्र रिजाल लगायत दुरसंचार प्राधिकरणका पदाधिकारीले रोकेको भन्दै नेपालमा विदेशी लगानीको वातावरण नभएकोले सेयर बिक्री गर्न लागेको समाचार आजको दृष्टि साप्ताहिकमा खबर छ ।

पूर्वमन्त्री रिजालले मुनाफा विदेश लैजानको लागि घुस मागेको तर, एनसेलले दिन अस्वीकार गरेकाले अनुमति नदिएकै कारण रोकिएपछि कम्पनीको सेयर बिक्री गर्न बाध्य भएको एक सूत्रले बताएको छ ।
एनसेलको सेयर बिक्रीका लागि मलेसियन कम्पनीसँग पटकपटक वार्ता भइसकेको बुझिएको छ । एनसेलले आर्थिक वर्ष २०६८-६९ मा ११ अर्ब रुपैयाँ मुनाफा आर्जन गरेको थियो ।

आर्थिक वर्ष २०६८/६९ को रु ११ अर्बमा नेपाली सेयरधनी निरजगोविन्द श्रेष्ठको मुनाफा कटाएर बाँकी आठ अर्ब विदेश कटाउन खोज्दा संचार मन्त्रालयले दुरसंचार प्राधिकरणले राष्ट्र बैंक र राष्ट्र बैंकले उद्योग विभागबाट स्वीकृति चाहिने भनि रोकेका थिए । तर, मन्त्री रिजालले भने घुस नदिएकै कारण मुनाफा लान नदिएपछि टेलियासोनेरा मुनाफासहित कम्पनीको सेयर बिक्री गरेर देशर छाड्ने तरखरमा छ ।