काठमाडौं,कार्तिक १२ । प्रधानमन्त्री केपी शर्मा ओलीले संविधान निर्माण भएको तथा देशका प्रमुख पदको निर्वाचन सम्पन्न भएको खुसियालीमा बालुवाटारमा आज विशेष लञ्चको आयोजना गरेका छन् । आलीले दिएको लञ्चमा मन्त्री, सांसद् र उच्च राजनीतिक नेतृत्वसहित ७ सय जना सहभागी छन् । प्रधानमन्त्रीले आयोजना गरेको भोजमा पूर्व प्रधानमन्त्री सुशील कोइराला सहितका कांग्रेस शीर्ष नेताहरु, संसद्मा प्रनिधित्व गर्ने दलका नेता र सबै सभासद आमन्त्रित छन् ।
आमन्त्रित पाहुनाहरुलाई प्रधानमन्त्रीका तर्फबाट एमाले वरिष्ठ नेता तथा पूर्वप्रधानमन्त्री झलनाथ खनालले स्वागत गरेका थिए । त्यसक्रममा प्रधानमन्त्री ओलीले प्रमुख तीन पदको निर्वाचन सफलतापूर्वक सम्पन्न गर्न योगदान पु¥याएको भन्दै सभासद् तथा दलका नेताहरुलाई बधाई दिएका थिए ।
कार्यक्रममा पूर्व प्रधानमन्त्री तथा कांग्रेस सभापति कोइराला, एमाओवादी अध्यक्ष तथा पूर्वप्रधानमन्त्री पुष्पकमल दाहाल प्रचण्ड समेतले मन्तब्य राखेका थिए । दिवाभोज चलिरहेको छ । लञ्चमा दाल, भात, मासु र दही छन् ।
No comments:
Post a Comment