उपराष्ट्रपतिको लागि भएको मतदानमा ५४६ मत खस्यो, ५१ जना अनुपस्थित

काठमाडौं, कातिक १४ । उपराष्ट्रपतिको लागि भएको मतदान सकिएको छ । शनिबार भएको निर्वाचनमा ५४६ मत खसेको छ। राष्ट्रपति चुनावमा ५४९ मत खसेको थियो । तर, यो पटक तीन मत कम परेको छ । बिहान ११ बजेदेखि सुरू भएको मतदानमा नेकपा एमालेकी सांसद सहित ५१ जना अनुपस्थित रहेका छन्। राष्ट्रपतिमा निर्वाचित भएपछि विद्या भण्डारीले सांसद पदबाट राजीनामा दिइसकेकी छन् ।

यसअघि राष्ट्रपतिमा मत हालेकी सद्भावनाकी माधवी रानी साह आज उपस्थित भइनन्।
सरकार समर्थित दलहरूबाट एनेकपा माओवादीका नन्दकिशोर पुन र प्रमुख प्रतिपक्षी दल नेपाली काँग्रेसका तर्फबाट अमियकुमार यादव उपराष्ट्रपति उम्मेदवार बनाएका छन्।