काठमाडौंको ८ वटा रुटमा सेनाको निःशुल्क बस सेवा,यस्तो छ रुट

काठमाडौं,कार्तिक १३ । नेपाली सेनाले उपत्यकामा निःशुल्क बस सेवा सुरु गरेको छ । पेट्रोलियम पदार्थको अभावपछि काठमाडौं उपत्यकामा यातायात सेवा अस्तव्यस्त भएपछि सेनाले बिहान ८ बजेदेखि दिउँसो ३ बजेसम्म चारवटा बसमार्फत विभिन्न ८ वटा रुटमा बस सेवा दिन थालेको हो ।

सेनाको बसमा सर्वसाधारणले भाडा रकम बुझाउनु पर्दैन भने अन्य सवारीमा भन्दा केही सहज यात्रा समेत हुनेछ। बिहान र दिउँसो दुई समयमा काठमाडौंमा बस सञ्चालन गरिएको नेपाली सेनाले जनाएको छ।
प्रति बसमा ३५ सिट संख्या क्षमता रहेको र आवश्यक परे उभिएर जान चाहनेलाई पनि सेवा दिने उहाँले बताउनुभयो । नेपाली सेनाले नयाँ वानेश्वर, कोटेश्वर, थापाथली, चक्रपथ लगायात काठमाण्डू उपत्यकाका विभिन्न ठाउँमा गएको बुधबारदेखि निःशुल्क बस सेवा दिन थालेको हो ।
यस्तो छ रुट
१ – भद्रकाली, लैनचौर, टिचिङ अस्पताल, चक्रपथ, बसुन्धरा, गोंगबु हुँदै बालाजु
२ – माइतीघर, थापाथली, त्रिपुरेश्वर, कालिमाटी, कलंकी हुँदै स्वयम्भू
३ – माइतीघर नयाँ बानेश्वर, तीनकुने, एयरपोर्ट, गौशाला, चाबहिल, नारायणगोपाल चोक, लाजिम्पाट, कान्तिपथ हुँदै भद्रकाली
४ – माइतीघर, पुरानोबानेश्वर, मैतीदेवी, पुतलीसडक, बागबजार हुँदै सिंहदरबार
५ – नयाँबानेश्वर, कोटेश्वर, एकान्तकुना, बल्खु हुँदै रत्नपार्क
६ – सहिदगेट, त्रिपुरेश्वर, कालीमाटी, ताहाचल, छाउनी, स्वयम्भू, गोंगबुचोक हुँदै सामाखुशी
७ – थापाथली, कुपण्डोल, जावलाखेल, सातदोबाटो, कोटेश्वर, तीनकुने, बानेश्वर हुँदै सहिदगेट
८ – थापाथली, जावलाखेल, एकान्तकुना, बल्खु, कलंकी, कालीमाटी, त्रिपुरेश्वर हुँदै रत्नपार्क