नेपाली युवतीको कोलकातामा गाडीभित्र सामूहिक बलात्कार

एजेन्सी । तीन वर्षदेखि कोलकातामा बसिरहेकी एक नेपाली युवती कोलकोत्तामा गाडीभित्र सामुहिक बलत्कारको शिकार भएकी छिन् । आइतबार राति त्यहाँको साल्ट लेक एरियाबाट राति ११ बजे उबर क्याब ९ट्याक्सी० चढेर कफी सप जान निस्किेकी नेपाली युवती बलात्कृत भएकी हुन् । सेक्टर भिको कलेज मोर नजिकै उनी झरिन् तर कहाँबाट जाने हो अलमलमा परिन्। नजिकै एक युवक उभिएका थिए। उनले सहयोग मागिन्।

केटाले आफूलाई त्यो पसल कहाँ हो थाहा नभएको तर साथीहरुलाई बोलाएर बताउन सक्ने जवाफ दिए। प्रहरीलाई ती नेपाली युवतीले दिएको बयानलाई उद्धृँत गर्दै इन्डियन एक्सप्रेस र इन्डिया टुडेले जनाए अनुसार त्यसपछि त्यो युवकले कसैलाई फोन गरेर बोलाए।

एकैछिनमा एसयुभी चढेर तीन जना केटाहरु बए। उनीहरुले कफी पसलसम्म जान लिफ्ट दिने बताए।

युवती र फोन गर्ने युवक चढ्ने बित्तिकै गाडी हुँइकियो। गुडिरहेको कारमा उनीहरुले सामूहिक बलात्कार गरे र साल्ट लेकको वैशाखी मोरमा पुर्यातएर सोमबार बिहान ३ बजेतिर गाडीबाट फ्याँकिदिए।

एक अर्कै ट्याक्सी ड्राइभरले उनलाई देखेपछि नजिकैको विधाननगर नर्थ पुलिस स्टेसनमा पुर्योइदिए। त्यहाँ उनले उजुरी दर्ता गराइन्।
पत्रिकाका अनुसार अहिले प्रहरी सिसिटिभी क्यामेरा फुटेज हेर्दै गाडी पहिचान गर्ने कोशिश गरिरहेको छ। नेपाली युवतीलाई विधाननगर सब डिभिजन अस्पतालमा भर्ती गरिएको छ। चिकित्सकहरुले बलात्कार भएको पुष्टि गरेका छन्।