गुगलले मनायो डुडलमा डाँफेसहित नेपालको गणतन्त्र दिवस

काठमाडौं,जेठ १५ । विश्वको नम्बर एक सर्च इन्जिन गुगलले नेपालको गणतन्त्र दिवसलाई सेलिव्रेट गर्दै आफ्नो होमपेजमा सम्मान ब्यक्त गरेको छ । नेपालको गणतन्त्र दिवसको अबसरमा गुगलले डाँफेको तस्विर राख्दै गणतन्त्र दिवस मनाएको हो । यस अघि २०१५ मा होमपेजमा स्वयम्भू, पशुपतिनाथ र मैनबत्तिको बिशेष आकृति राख्दै नेपालप्रति सम्मान प्रकट गरेको थियो । २०६५ सालमा पहिलो संविधानसभाको पहिलो बैठकले राजतन्त्रको अन्त्य गरी गणतन्त्र घोषणा गरेको दिन आज जेठ १५ गते ।