ओली र दाहालबीच फेरी खटपट

काठमाडौं,जेठ १८ । वैशाख अन्तिम साता सरकार फेर्ने रणनीति सतहमा आएसँगै चिसिएको प्रधानमन्त्री केपी ओली र माओवादी केन्द्रका अध्यक्ष पुष्पकमल दाहालबीच थप दूरी बढ्दै गएको छ। उनीहरुबीच सोमबार विहान बालुवाटारमा भएको पौने घन्टाको चिया गफ पनि सोहार्द बन्न सकेन् ।

दाहालले माओवादी केन्द्रको संसदीय दल र हेडक्वार्टर नेता सम्मिलित बैठकमा आइतबार बजेट र ओली कार्यशैलीको चर्को विरोध गरेका थिए । ओलीले भेटमा त्यसबारे जिज्ञासा राखे । कान्तिपुर दैनिकमा समाचार छ – स्रोतका अनुसार दाहालले बजेटपछि आफूलाई नेतृत्व हस्तान्तरण गर्ने सर्तमा बालुवाटारमै अनौपचारिक सहमति भएअनुरुप अब बाटो खोल्नुपर्ने अडान राखे ।