दुर्घटना न्युनिकरणकालागी सडक प्रयोगकर्ताहरुसंग अन्तरक्रिया

ईटहरी, बैशाख १३ । पूर्वक्षेत्रीय ट्राफिक प्रहरी कार्यालय ईटहरीले बढदो सवारी दुर्घटना न्युनिकरणकालागी सडक प्रयोगकर्ता तथा अन्य सरोकारवालाहरुसंग ‘सडक अनुशासन एवं चेतना अभिबृद्धीकालागी आम नागरिकको भूमिका ‘ बिषयमा आइतबार अन्तरक्रिया कार्यक्रम गरेको छ। ईटहरी नगरपालिका वडा नम्बर २६ स्थित नमुना टोल बिकास संस्थाले आयोजना गरेको उक्त अन्तरकृया कार्यक्रमममा हाल संख्यात्मक रुपले बढिरहेको सवारी चाप र जनघनत्वले गर्दा दिन प्रतिदिन भईरहेको सवारी दर्घट्ना न्युनिकरण एवं निराकरण तथा सुरक्षितयात्रा एवं सरल सहज आवागमनकालागी ट्राफिक प्रहरीको मात्र एकल प्रयासबाट पूर्ण सम्भव नरहेकोले सो कार्यमा सरोकारवाला निकाय, संघ,संस्था, स्थानिय व्यक्तित्वहरुको समेत परस्पर समन्वय र सहकार्य जरुरी रहेको बारे सहभागीहरुले जोड दिएका थिए।

कार्यक्रममा क्षेत्रीय ट्राफिक प्रमुख प्रहरी उपरीक्षक पवन कुमार गिरीले ट्राफिक जनशक्ति, सड्क संकेत, ट्राफिक चिन्ह तथा सडक पुर्बाधारहरुको अवस्था, चुनौती र सामाग्रीहरु निर्माण एवं ब्यवस्थापनमा देखिएका कमि कमजोरी र सुधारका लागी गरिनु पर्ने कार्यहरुका बारेमा अवगत गराउनु भएको थियो।
कार्यक्रमको अन्त्यमा ट्राफिक प्रहरीले इटहरी( धरान सडक खण्डमा चल्ने सात सय वटा साना तथा ठुला सवारी साधनहरुमा ट्राफिक सचेतनामुलक पर्चा पम्प्लेट बितरण गरेका थिए भने सय वटा जति सवारी साधनमा चेतनामुलक स्टिकर टाँसेका थिए।