सक्कली व्यवसाय डुबेपछि नक्कली कारोबार !

दोलखा १९ चैत– च्यामाका पूर्णबहादुर विश्वकर्माले शुरुमा सिन्धुलीमा गएर व्यवासाय गरेपनि सफल भएनन्, त्यसपछि उनी विदेश गए र १३ लाख जति कमाएर ल्याए । मानिसलाई पैसा जति भएपनि पुग्दैन, त्यसैले उनले आफूले विदेशबाट कमाएर ल्याएको पैसामध्य १० लाखको सुनको मुर्ति किने तर विडम्बना उनको उक्त मुर्ति पित्तलको पर्यो र उनी डुबे ।

मुर्ति खरिदमा डुबेर भौँतारिइरहेका विश्वकर्माको भेट रौतहटका लोकेन्द्र चौधरीसँग भयो । स्वास्थ्यकर्मी रहेका चौधरी पनि पोलिक्लिनिक र अस्पताल खोलेर कंगाल भएका थिए । त्यसपछि दुबै मिलेर नक्कली नोटको कारोबार शुरु गरे । दोलखा प्रहरीले पक्राउ गरी खोटा चलनमा मुद्दा चलाएका उनीहरुले प्रहरीमा दिएको बयान अनुसार आफ्नो छिमेकी ओसिमिया अन्सारीले नक्कली नोटको कारोबार गर्छन भन्ने जानकारी भएका चौधरीले विश्वकर्मासँग मिलेर नक्कली नोटको कारोबार शुरु गरेका हुन । नेपाल समाचार पत्रमा खबर छ ।