काठमाडौं,फागुन १४ । विश्व फुटवलको सर्वोच्च संस्था फिफाको नयाँ अध्यक्षका लागि आज चुनाव हुँदैछ । अध्यक्ष रहेका सेफ ब्लाटर भ्रष्टाचार मुद्दामा कारवाहीमा परेपछि फिफाले नयाँ अध्यक्ष चुन्न लागेको हो ।
फिफामा आवद्ध २०९ मुलुक प्रतिनिधि रहेका छन् । अहिले २०७ देशका प्रतिनिधिहरु सेप ब्लाटरको उत्तराधिकारी छान्न फिफा मुख्यालय स्वीट्जसल्याण्डको जुरिचमा भेला हुनेक्रम जारी छ ।
फिफाको नयाँ अध्यक्षका लागि पाँच जना चुनावी प्रतिस्पर्धामा छन् । निर्वाचनमा एशियाली फुटबल महासंघका अध्यक्ष तथा बहराइन राजपरिवारका सदस्य शेख सनमान विन इब्राहिम अल खालिफा, जोर्डनका राजकुमार अली विन अल हुसेन, युरोपियन फुटबल महासंघका महासचिव जियान्नी इन्फान्तिनो, फिफाका सल्लाहकार जेरोमी चाम्पेन र दक्षिण अप्रिmकाका टोक्यो सेक्सवेल प्रतिस्पर्धामा छन् ।
फिफामा आबद्ध २०९ सदस्यीय मुलुकहरुमध्ये कुवेत र इण्डोनेशीयाका फुटवल संघलाई फिफाले प्रतिबन्ध लगाएका कारण यी देशका प्रतिनिधिले मतदान गर्न पाउने छैनन् । आज राति हुने फिफा नेतृत्वको निर्वाचनका लागि अखिल नेपाल फुटबल संघका कार्यबाहक अध्यक्ष नरेन्द्र श्रेष्ठसहित दिनेश ब्यञ्जनकार र प्रकाश बिष्टको टोली स्वीट्जरल्याण्ड पुगिससकेको छ । नेपालले फिफा निर्वाचनमा अध्यक्षका प्रतिस्पर्धी एशियाली फुटबल महासंघका अध्यक्ष तथा बहराइनका राजपरिवारका सदस्य शेख सलमानको पक्षमा मतदान गर्ने भएको छ ।
एन्फाका तत्कालिन अध्यक्ष गणेश थापालाई फिफाले प्रतिबन्ध लगाएपछि कार्यबाहक अध्यक्ष नरेन्द्र श्रेष्ठको अध्यक्षतामा बसेको पहिलो बैठकले सलमानलाई फिफा अध्यक्षमा समर्थन गर्ने निर्णय गरेको हो ।
No comments:
Post a Comment