कांग्रेस महामन्त्रीमा रोचक भिडन्त,ज्वाइँ-ससुरा आमनेसामने

काठमाडौं,फागुन १६ । नेपाली काँग्रेसको आसन्न १३ औं महाधिवेशनमा महामन्त्री पदको लागि रोचक भिडन्त हुने भएको छ । अर्जुननरसिंह केसी संस्थापन पक्षसँगको सम्बन्ध विच्छेद गरी नेता शेरबहादुर देउवा पक्षबाट महामन्त्री उम्मेदवार हुने लगभग पक्काजस्तै भएको छ भने संस्थापनको सिटौला पक्षवाट गगन थापा महामन्त्रीकै लागि भिड्न तयार भएका छन् । शेरबहादुर देउवाको प्यानलबाट केसी र कृष्ण सिटौलाको प्यानलबाट थापा नाताले ज्वाइँ-ससुरा हुन् । भित्रभित्रै एकले अर्कालाई पछि हटाउने खेल पनि चलिरहेको छ । तर कुरा भने मिल्न सकेको छैन् । गगनले संस्थापनबाट महामन्त्रीको टिकट पाउने सम्भावना न्युन रहेको छ । संस्थापनका सभापति उम्मेदवार रामचन्द्र पौडेल पदका आकांक्षीलाई मिलाउन नसक्दा समस्यामा छन् । संस्थापनबाट महामन्त्रीमा बिपी पुत्र सशांक कोइराला उम्मेदवार हुने सम्भावना छ ।

महामन्त्रीमा तेस्रो सम्भावित उम्मेदवार पनि छन्, बीपीपुत्र शशांक कोइराला, जसले रामचन्द्र पौडेलको प्यानललाई प्रतिनिधित्व गर्छन् । कांग्रेसका पुराना हस्ती केसीका लागि आफ्नै ज्वाइँसाहेबको चुनौती झेल्नुपर्ने अवस्था रहेको छ ।