बिमान दुर्घटनाका घाइतेलाई नेपालगञ्ज लगियो

काठमाडौं, १४ फागुन । कालीकोटमा भएको एअर काष्ठमण्डप विमान दुर्घटनाका घाइतेलाई उपचारका लागि नेपालगञ्ज लगिएको छ । उद्दारका लागि गएको हेलिकप्टरबाट घाइतेलाई उपचारका लागि नेपालगञ्ज लगिएको प्रहरीले जनाएको छ ।
नेपालगञ्जबाट जुम्लाका लागि उडेको नाइन एन एजेबी विमानमा खराबी आएपछि आकस्मिक अवतरण गर्ने क्रममा कालीकोटको चिल्खाया–२ मा दुर्घटना भएको हो । दुर्घटनामा चालक र सहचालकको ज्यान गएको र अरु नौं जना घाइते भएका थिए ।
प्रधानमन्त्रीद्वारा विमान दुर्घटनाप्रति दुःख व्यक्त
प्रधानमन्त्री केपीशर्मा ओलीले शुक्रबार कालिकोटमा भएको काष्टमण्डप एयरको विनमा दुर्घटनामा परी पाइलट र को पाइलटको निधन भएकोमा दुःख व्यक्त गरेको छन् ।
ओलीले मृतकहरुप्रति श्रद्धान्जलि व्यक्त गर्दै आफन्तजन र परिवारप्रति समवेदना प्रकट गरेका छन् । प्रधानमन्त्रीको निजी सचिवालयद्वारा जारी प्रेस नोटमा दुर्घटनामा परी घाइते भएकाहरुको उद्धार स्वास्थ्य उपचारको व्यवस्था मिलाउन प्रधानमन्त्री ओलीले सम्बन्धित निकायमा निर्देशन दिएको जनाइएको छ ।