कांग्रेस केन्द्रीय समिति बैठकमा बरिष्ठ नेता देउवा नै अनुपस्थित

काठमाडौं, फागुन ११ । पार्टीको आसन्न १३ औं महाधिवेशनको तयारी तथा विधान संशोधन लगायतका विषयमा छलफल गर्नको लागि बोलाईएको वैठकमा कांग्रेस बरिष्ठ नेता शेरवहादुर देउवा नै अनुपस्थित भएका छन्। काँग्रेसले अव अवलम्वन गर्ने निति तथा कार्यक्रमको मस्यौदालाई अन्तिमरुप दिन बोलाईएको वैठकमा आफ्ना भतिजा सन्दिप देउवाको निधन भएकाले नेता देउवा बैठकमा अनुपस्थित भएका हुन्। भतिजा सन्दिपको मंगलबार उपचारका क्रममा निधन भएको हो ।

ट्युमरबाट पीडित सन्दिपको २९ वर्षको उमेरमा उपचारका क्रममा चाबहिलस्थत चिरायु अस्पतालमा निधन भएको हो । सन्दिप नेता देउवाका काइला भाइ ललितवहादुर देउवाका कान्छा छोरा हुन्। पार्टीे केन्द्रीय महाधिवेशन सुरु हुन १० दिन मात्र बाँकी रहेपनि पदाधीकारी थप लगायतका विषयमा पार्टीका कार्यबाहक सभापति रामचन्द्र पौडेल र बरिष्ठ नेता शेरबहादुर देउवाबीच कुराकानी भएको छैन । कांग्रेसको १३ औं महाधिवेशन यही २० देखि २३ सम्म राजधानीमा हुँदैछ ।