युएईको लगातार दोस्रो हार,बंगलादेश ५१ रनले विजयी

एजेन्सी,फागुन १५ । एसिया कप क्रिकेटमा संयुक्त अरब इमिरेट्स युएईले लगातार दोस्रो हार ब्यहोरेको छ । शुक्रबार राति मिरपुरमा भएको खेलमा आयोजक बंगलादेशले संयुक्त अरब इमिरेट्स युएईलाई ५१ रनले हराएको हो । एक सय ३४ रनको लक्ष्य पछ्याएको युएईले १७ दशमलव ४ ओभरमा सबै विकेट गुमाएर ८२ रन मात्रै बनाउन सक्यो । युएईका तर्फबाट मोहम्मद उस्मानले सर्वाधिक ३० रङ जोडे। तर अन्य सात ब्याट्सम्यानले दोहोरो अंक जोड्न समेत सकेनन।

युएइका रोहन मुस्तफाले १८ र मोहम्मद सहजादले १२ रन जोडेका थिए। बंगलादेशका तास्कीन अहमद, मुस्ताफिजुर रहीम, महमुदुल्लाह र कप्तान मशरफे मुर्तजा ले दुई दुई विकेट लिए। यस्तै तस्किन अहमद र अल अमिन होसैनले एक एक विकेट लिए। यसअघि शेर ए बङ्गला नेशलन स्टेडियममा टस जितेर पहिले ब्याटिंग गर्ने निर्णय गरेको बंगलादेशले निर्धारित २० ओभरमा ८ विकेट गुमाएर एक सय ३३ रन बनायो । बंगलादेशको तर्फबाट मोहम्मद मिथुनले ४७, महमुदुल्लाहले नटआउट ३६ तथा सोयुम्य सरकारले २१ रन बनाए । युएईका मोहम्मद नावेदल र अम्जाद जावेदले समान दुई दुई विकेट लिए ।