एसएसपीसहित पाँच जनाविरुद्द सम्पत्ति शुद्धीकरण मुद्दा

काठमाडौं,फागुन १३ । सम्पत्ति शुद्धीकरण अनुसन्धान विभागले प्रहरी वरिष्ठ उपरीक्षक (एसएसपी) बाट बर्खास्त गरिएका रविराज श्रेष्ठसहित पाँच जनामाथि बुधबार मुद्दा दायर गरेको छ । एक करोड २४ लाख ३२ लाख रुपैयाँ शुद्धीकरण गर्न खोजेको अभियोग उनीहरुले लगाएका छन् । ०६९ साल असोज १९ गते फ्लाइ दुबईको उडानमा बरामद भएको विदेशी मुद्राको वैध स्रोत स्थापित गर्न नसकेपछि उक्त विनिमय लैजान खोज्ने सबैमाथि मुद्दा दायर गरिएको हो ।

श्रेष्ठसहित सोही अवैध काममा संलग्न भएको पुष्टी भएपछि बर्खास्त गरिएका प्रहरी हवल्दार सोबितबहादुर कार्की, विनोद सोनी, मुरारीलाल गोयल जमालिया र राजेश अग्रवाललाई प्रतिवादी बनाइएको छ । उनीहरुमाथि यसअघि नै राजस्व अनुसन्धान विभागले विदेशी मुद्रा दायर गरेको थियो ।

विदेशी मुद्रा अपचलनको अभियोग लगाएपछि उक्त विदेशी विनिमय सम्पत्ति शुद्धीकरण गर्न खोजेको हुनसक्ने भन्दै थप अनुसन्धान गर्न सम्पत्ति शुद्धीकरण अनुसन्धान विभागा पठाइएको थियो । अनुसन्धानका क्रममा उनीहरुले विदेशी विनिमयको स्रोत स्थापित गर्न नसकेपछि मुद्दा चलाइएको हो । आजको अन्नपूर्ण पोस्ट दैनिकमा खबर छ ।