दुई पक्षको विवादले एमालेका विभाग अलपत्र

काठमाडौं,फागुन १२ । संविधान जारी भएलगत्तै एमालेले ३२ वटा केन्द्रीय विभागलाई पूर्णता दिने तयारी थालेको थियो । केन्द्रीय सचिवालय सचिव प्रदीप ज्ञवालीले विभागीय प्रमुखलाई सदस्यको नाम बुझाउन पत्राचार गरेका थिए । तर, असोजदेखि सुरु भएको तयारी केन्द्रीय सचिवालय र स्थायी समितिको एजेन्डा अझै बनेको छैन । महाधिवेशन सकिएको १९ महिना बितिसक्दा पनि संस्थापन पक्ष र नेपाल पक्षबीच सहमति नहुँदा विभागहरुलाई पूर्णता दिने प्रक्रिया लम्बिएको हो ।

एमाले शीर्ष नेताहरुबीच २५ पुसमा विभाग गठन टुंग्याउने गरी स्थायी समिति बैठक बोलाउने सहमति भएको थियो । तर, १६ मंसिरपछि ६ माघमा बसेको स्थायी समिति बैठक प्रधानमन्त्रीको भारत भ्रमणबारे संक्षिप्त छलफल गरेर सकियो, आजको नयाँ पत्रिका दैनिकमा खबर छ ।