रुपन्देही,पुष २१ । स्थानीय प्रशासनले रुपन्देहीको बेलहिया क्षेत्रमा अनधिकृत रुपमा भण्डारण गरिएका ग्याँस तथा पेट्रोलियम पदार्थ २४ घन्टाभित्र हटाउन निर्देशन दिएको छ । इलाका प्रहरी कार्यालय बेलहियाले सोमबार स्थानीय संघ/संस्था तथा व्यापारीहरुलाई बोलाएर अनधिकृत रुपमा भण्डारण गरिएका ग्याँस तथा पेट्रोलियम पदार्थ २४ घन्टाभित्र हटाउन निर्देशन दिएको राजधानीमा खबर छ ।
प्रहरीले निर्देशन अवज्ञा गरी २४ घन्टाभित्र नहटाए कारबाही गर्ने चेतावनी दिएको छ । ‘घरमा राखिएको ग्यास तथा पेट्रोलियम पदार्थ २४ घन्टाभित्र हटाउन र अब भण्डारण नगर्न आग्रह गरेका छौं’, इलाका प्रहरी कार्यालय बेलहियाका प्रमुख प्रहरी निरीक्षक अभयविक्रम शाहले भने, ‘२४ घन्टाभित्र नहटाए कारबाही थाल्छौं ।’
No comments:
Post a Comment