होमप्रसाद लम्साल
नर्थ क्यारोलिना । अमेरिकामा हिमपातका कारण केहि राज्यहरुमा संकटकाल घोषणा गरिएको छ । हिमपात एक सय बर्षयताको सबैभन्दा बढी हुने बताइएको छ ।
हिमपातकै कारण शुक्रबार र शनिवारका विभिन्न राज्यहरुमा ६ हजार भन्दा बढी अन्तर्राष्टिय उडानहरु रद्द भएको जनाईएको ।
स्टेट अफ वासिडटन डिसीले आफ्ना नागरिकलाई सुरक्षित रहन आग्रह गर्दै २ फिट बाक्लो हिउँ पर्ने पुर्वअनुमान गरेर संकटकाल घोषणा गरेको जनाएको छ ।
अमेरिकाको पुर्वतटीय क्षेत्रमा बढी हिमपात शुरु भएको छ । मेरिल्याण्ड, न्यूयोर्क, डिसी, नर्थक्यारोलिना राज्यहरुले हिमपातको बढ्दो प्रभावलाई मध्यनजर गर्दै संकटकाल लगाउनु परेको जनाएका छन् । यसपटकको हिमपातबाट साँढे ८ करोड मानिस प्रत्यक्ष प्रभावित हुने भएका छन् ।
हिमपातका कारण सडक दुर्घटना बढेको छ भने राज्य संयन्त्रले सुचना जारी गर्दै सवारी साधन चलाउदा सावधानी अपनाउन अनुरोध गरेको छ । राजमार्गहरुमा हिमपातमा दुर्घटना भएका गाडीहरु सडकको दायबाँय प्रशस्तै देख्न पाईन्छ ।
नर्थ क्यारोलिनामा बिहीबार रातिदेखि परेको हिमपात डेढ फिट सम्मपुगेको छ । हिमपातकाकारण नर्थ क्यारोलिनामा शुक्रबार स्कुल, सरकारी कार्यलय र बैकहरु बन्द रहेका थिए । आईतबार सम्म हिमपात पर्ने भएकोले सम्पुर्ण सेवाहरु बन्द रहने स्टेटले जारी गरेको सूचनामा उल्लेख छ ।
बाटोमा हिउँ पन्छाउने डोजरहरु कुदी रहेको देख्न सकिन्छ भने सर्वसाधारण मानिसहरु छिटफुट बाहेक बाहिर निस्किएका छैनन । व्यक्तिहरुले आफ्नो घर अगाडी हिउँ पगाल्न नुन खन्याई रहेको देखिन्छ ।
No comments:
Post a Comment