नेपालद्वारा भारतसामू १७० रनको लक्ष्य प्रस्तुत

काठमाडौं,माघ १८ । बंगलादेशमा जारी यू-१९ विश्वकप क्रिकेटको समूह चरणको अन्तिम खेलमा नेपालले तीन पटकको विश्वविजेता भारतसामू १७० रनको लक्ष्य प्रस्तुत गरेको छ । टस हारेर ब्याटिङको निम्तो पाएको नेपालले ४८ ओभरमा ८ विकेट गुमाएर १६९ रन बनायो । नेपालका लागि नेपालका लागि ओपनर सन्दीप सुनारले ७३ बलमा ३७ रन जोडेर आउट भए । राजवीर सिंहले ६८ बलको सामना गर्दै ३५ रनको योगदान दिए । त्यसैगरी अरिफ सेखले ४४ बलमा २६ रन जोडे ।

नेपालका लागि नटआउट रहेका प्रेम तामाङले ४० बलमा २९ रन बनाए । त्यसैगरी सुशील कँडेल ३ रनमा नटआउट रहे । सुनिल धमला शून्यमै पेभेलियन फर्के भने योगेन्द्रसिंह कार्की ७ र राजु रिजाल ६ रनमै आउट भए । त्यसैगरी मध्यक्रमका दीपेन्द्रसिंह एेरी १ रनमै रन आउट हुन पुगे । नेपालका कुशल भुर्तेल पनि ६ रन बनाउँदै आउट भए । नेपालले दिएको १ सय ७० रनको मध्यम लक्ष्य पछ्याउँदै अहिले भारत नेपाल बिरुद्ध ब्याटिगंमा उत्रेको छ ।