ओलीको बोली-‘अहिलेको समस्या १० दिनभित्र अन्त्य हुन्छ’

विराटनगर,पुष १५ । प्रधानमन्त्री केपी शर्मा ओलीले तराई–मधेसमा जारी आन्दोलन १० दिनभित्रमा रोकिने दाबी गरेका छन् । बुधवार विराटनगरमा संचारकर्मीहरुसंग प्रधानमन्त्री ओलीले हप्ता दश दिन भित्र मुलुकमा भईरहेको असामान्य स्थितिमा सुधार आउने बताउनु भयो । उहाँले नाकाबाट चाडै नै धर्ना हट्ने सुचना पाएको जानकारी समेत दिनुभयो । स्थिति सहज नबने आफु कानुन अनुसार कारवाही गर्न बाध्य हुने चेतावनी समेत दिनु भएको छ ।

झापा, मोरङ र सुनसरीको एक इन्च पनि दायाँ–बायाँ हुन्न भन्ने ओलीले आवश्यक्ता र जनताको मागअनुसार सीमाकंनमा हेरफेर हुने र प्रदेशको संख्या थपिने बताए । एक प्रश्नको जवाफ प्रधानमन्त्री ओलीले मन्त्रीमण्डल ठूलो बनाउने कुरा उदारता, फराकिलोपन र सहकार्यको उपज भएको बताउदै विरोध गर्नुको औचित्य नभएको धारणा राख्नु भयो ।