नियुक्त भएको १० दिनपछि राज्य मन्त्रीको सपथ ग्रहण हुदै

काठमाडौं,पुष १७ । नियुक्त भएको झण्डै १० दिनमा आज ६ जना राज्य मन्त्रीको सपथ ग्रहण हुदैछ । प्रधानमन्त्री केपी शर्मा ओलीले राज्यमन्त्रीलाई सपथ गराउन लाग्नु भएको हो । एमालेका तर्फबाट नियुक्त भएका ६ मन्त्रीलाई कार्यविभाजनसहित आज सपथ गराउन लागेको प्रधानमन्त्रीको सचिवालयले जनाएको छ । प्रधानमन्त्री कार्यालयले मन्त्रालयको आन्तरिक व्यवस्थापन र प्रधानमन्त्रीको समय अभावका कारण शपथ ग्रहणमा ढिलाइ भएको हो ।

नेपालको संविधान २०७२ अनुसार राज्यमन्त्रीलाई प्रधानमन्त्रीले शपथ गराउने व्यवस्था छ । एमाले सांसद मञ्जुकुमारी चौधरी दिनेशचन्द्र यादव, दामोदर भण्डारी, बलबहादुर कुँबर, नरदेवि पुन र दिपनारायण साहलाई राज्य मन्त्री बनाइएको छ ।