शुक्रबार सबैभन्दा बढी तेल वितरण गरिने,चार पाङग्रे निजी सवारीलाई अझै अन्योल

काठमाडौं,पुष १६ । नेपालको संविधानप्रति असन्तुष्टी जनाउँदै भारतले गरेको नाकाबन्दीपछि शुक्रबार सबैभन्दा बढी तेल वितरण गरिने भएको छ । गएको १५ दिन यता भारतबाट इन्धन आपूर्ति बढी भएकाले नेपालअ आयल निगमले शुक्रबारदेखि तेल वितरणको मात्रा बढाउन लागेको छ । भारतले गरेको नाकाबन्दी लम्बिन सक्ने र अत्यावश्यक सवारीहरुका लागि तथा सरकारका विशिष्ट ब्यक्तिहरुका लागि भने निगमले तेल भण्डारण गरेर सीमित मात्रामा मात्रै पम्पबाट तेल वितरण गरिँदै आएको थियो ।

तेल भण्डारण नभएको भन्दै निमगले चार पाङग्रे निजी सवारी साधनलाई लामो समयदेखि निगमले तेल वितरण गरेको छैन । सार्वजनिक सवारी साधन सञ्चालनमा समस्या नहोस् भनेर निगमले सार्वजनिक सावारी साधानलाई मात्र आलोपालो तेल वितरण गर्दै आएको खबर डवलीमा समाचार छ । तेल आपूर्ति धेरै हुन थालेको भन्दै निगमले शुक्रबारदेखि निगमको डिपो र पेट्रोल पम्पहरुबाट गरी साढे तीन लाख लिटर भन्दा बढी तेल बाँड्न लागेको हो । निगमको विहीबार बसेको बैठकले यस्तो निर्णय गरेको बताइएको छ ।

निगमले थानकोट डिपोबाट उपभोक्तालाई ६० हजार लिटर तथा पम्पमार्फत दुई लाख २० हजार लिटर डिजल वितरण गरिने निगमले जनाएको छ । तेल आपूर्ति बढी भएको भन्दै वितरणको मात्रा बढाउन लागिए पनि चार पाङग्रे निजी सवारीलाई तेल वितरण गर्ने योजना अझै बनेको छैन ।

निगमले एक साताअघि नै चार पाङ्ग्रे निजी सवारीलाई छिट्टै तेल वितरण गर्ने भने पनि अझैसम्म वितरण गरेको छैन ।

एक करोड २० लाख लिटर डिजेल रहेको निगमसँग मंगलबार र बुधबार पनि प्रशस्त डिजेर भित्रिएपछि तेल वितरणको परिणाम बढाउन लागेको हो । निगमका अनुसार बुधबार दुई लाख लिटर भन्दा बढी तेल वितरण गरिएको थियो ।

निगमले आगामी सातादेखि चार पाँग्रेसवारी साधनलाई पेट्रोल पनि वितरण गर्ने योजना बनाएको छ । निमगको थानकोट डिपोमा पेट्रोलको भण्डारण पनि निकै छ । निगमकै कर्मचारीहरुबाट तेल वितरणमा कालाबजारी भएको भन्दै गुनासो बढेपछि अनुगमन पनि कडा पारिएको छ