विप्लप माओवादीले भारतीय दूतावासको गाडी जलाए

काठमाडौँ, मंसिर १२। लाजिम्पाटमा विप्लव माओवादीका कार्यकर्ताले भारतीय दूतावासको गाडीमा आगजनी गरेका छन् । भारतीय काउन्सीलरले चढ्ने गरेको २२ सि डी नम्बरको गाडीमा शनिबार बिहान नेकपा माओवादीको कार्यकर्ताले आगो लगाएको दाबी गरेका छन्। आगजनीबाट गाडीको भित्री भाग जलेको छ भने केही सीसाहरू फुटेका छन्।

अन्य कुनै मानविय क्षति भएको छैन। भारतले लगाएको नाकाबन्दीको बिरोधमा आन्दोलनमा उत्रिएको विप्लब माओवादीले भारतीय दूतावासको गाडीमा आगजनी गरेको दाबी गरेको हो। उसले आइतबार बन्द आव्हान गरेको छ। यता प्रहरीले भने गाडीमा विद्युत तार सट भएर आगो सल्केकोले आगजनी भएको जनाएको छ।