मधेशी मोर्चाका कार्यकर्ताद्वारा पूर्वप्रधानमन्त्री नेपालको घरमा तोडफोड

काठमाडौं,मंसिर ४ । पूर्वप्रधानमन्त्री तथा नेकपा एमालेका वरिष्ठ नेता माधवकुमार नेपालको घरमा मधेशी मोर्चाका कार्यकर्ताले तोडफोड गरेका छन् । रौतहटको गौरमा रहेको उनको घरमा आन्दोलनरत मधेशी मोर्चाका कार्यकर्ताले ईंटा र ढुंगा बर्साउदै तोडफोड गरेका हुन् । गेटमा भने रड र बाँसको भाटाले प्रहार गरेका थिए । सो घर नेता नेपालले एक एनजीओलाई भाडामा प्रयोग गर्न दिएका थिए ।