काठमाडौं, मंसिर १३ । नेपालमा फेरी भारतिय न्युज च्यानल बन्द भएको छ । भारतले नाकाबन्दी गरेर दुःख दिइरहँदा भारतीय समाचार च्यानलहरुले भने अनर्गल प्रचार गर्न थालेपछि नेपालमा सबै भारतीय समाचार च्यानलहरु बन्द गरिएका छन् । राजनीतिक दबाबका कारण केबल सञ्चालकहरुले आइतबारदेखि भारतीय समाचार च्यानलहरु बन्द गरेका हुन् । राजनीतिक दबाबकै कारण डीटीएच सञ्चालकले भारतीय न्यूज च्यानलहरु बन्द गरिदिएका हुन् ।
नेपाल केवल टेलिभिजन ब्यवसायी महासंंघ, नेपाल केवल टेलिभिजन संघ, डिस होम प्रालि तथा सिम्पल मिडिया प्रालिले एक विज्ञप्ति जारी गरी असहज परिरिस्थतिको कारण जनाउँदै भारतीय न्यूज च्यानलहरु बन्द गरिएको जानकारी दिएका हुन् । भारतविरुद्ध संघर्षमा उत्रिएको नेत्र विक्रम चन्द ‘विप्लव’ माओवादीले आफुहरुले भारतीय न्यूज च्यानल पनि बन्द गराएको बताएको छ । भारतीय मिडियाले भने सरकारी निर्देशनमा नै नेपालमा भारतीय न्युज च्यानल बन्द भएको दाबी गरेका छन् । नेपाल–सम्बन्धमा चिसोपन आएको र भारतीय मिडियाले मधेसबारे सही सूचना सम्प्रेषण नगरेको भन्दै भारतीय न्युज च्यानल बन्द गरिएको उनीहरुको दाबी छ ।
यसअघि नाकाबन्दी लगत्तै केबल सञ्चालकहरुले स्वतःस्फूर्त रुपमा भारतीय च्यानल बन्द गरिदिएकोमा तत्कालिन सञ्चारमन्त्री मिनेन्द्र रिजालको दबाबमा पुनः प्रतिबन्ध फुकुवा गरिएको थियो ।
No comments:
Post a Comment