निर्देशक बन्दै जेनिफर लरेन्स

एजेन्सी । ओस्कार विजेता हलिउड फिल्म ‘हंगर गेम्स’ अभिनेत्री जेनिफर लरेन्स निर्देशक बन्ने भएकी छन्। उनले अमेरिकी सेनामा हुने औषधी परिक्षणका बारेमा फिल्म बनाउन लागेकी हुन्। फिल्मका कलाकारहरुको चयन हुन बाँकी रहेको छ। ‘प्रोजेक्ट डेलिरियम’ नाम रहने फिल्म सन् २०१२ को डिसेम्बरमा सोही शीर्षकमा प्रकाशित एक लेखमा आधारित हुनेछ। उक्त लेखमा सन् १९६० भएको त्रृटिपूर्ण एसिड अनुसन्धानको बारेमा लेखिएको थियो।
फिल्मले अमेरिकी सेनाले कसरी आफ्नो जवानमाथि कसरी एलएसडी जस्तो लागुपदार्थको प्रयोग गर्छ भनेर देखाउने छ। जेनिफरले फिल्ममा को को कलाकारले अभिनय गर्नेछन् भन्ने बारेमा केहि नखोले पनि पर्दा पछाडी रहेर काम गर्ने चाहाना अनुसार निर्देशक बनेको बताइन्। यस फिल्मपछि उनको हाँस्यप्रधान फिल्म निर्देशन गर्ने इच्छा रहेको छ।
-सेतोपाटी