गच्छदारको आँखैमा घुस

काठमाडौं,मंसिर १५ । काठमाडौं । मधेसी जनअधिकार फोरम (लोकतान्त्रिक)का नेता विजयकुमार गच्छदारर भौतिक योजना तथा यातायात मन्त्री नियुक्ति भएलगत्तै डिजिटल प्रविधिको इम्बोस प्लेट छपाईको टेण्डर अघि बढेको छ । यातायात व्यवस्था विभागले मंसिर १ गते इम्बोस नम्बर प्लेट छपाईंका लागि अन्तर्राष्ट्रिय टेण्डर आह्वान गरेको छ । आजको दृष्टि साप्ताहिकमा खबर छ ।

कमिसनको लोभमा मन्त्री गच्छदारले टेण्डर प्रक्रिया अघि बढाएका हुन् । दुई वर्षदेखि त्यससम्बन्धी टेण्डर रोकिंदै आएको थियो । तर, इम्बोस नम्बर प्लेट छपाईको काम गर्ने कम्पनीका नेपाली एजेन्टहरुले मन्त्री गच्छदारलाई भेटेर प्रलोभनमा पारेपछि टेण्डर अघि बढाइएको हो । गच्छदार अघिल्लो पटक भौतिक योजना मन्त्री हुँदा नै त्यससम्बन्धी टेण्डर निकाल्न खोजेका थिए । तर, त्यसबेला नभ्याएको काम यतिबेला अघि बढाएका छन् ।