एक मात्र आँखा भएको बच्चा जन्मियो

एजेन्सी । इजिप्टमा निधारमा एउटा मात्र आँखा भएको एक बच्चा जन्मिएका छन् । गर्भावस्थामा आमामा विकिरणको प्रभावका कारण ती शिशु शारीरिक रुपमा दुर्लभ अवस्थामा जन्मिएको चिकित्सकहरुले बताएका छन् । चिकित्सकीय भाषामा उनमा साइक्लोपिअ भएको हो । ग्रीस पुराणमा एक आँखे राक्षसको नाममा यो अवस्थाको नामारकण गरिएको बताइन्छ । मानिसमा यस्तो समस्या भएका शिशुहरु निकै नै दुर्लभ मात्रामा जन्मिने गरेको चिकित्सकहरु बताउँछन् ।

तथापी, जनावारहरुमा भने यसलाई सामान्य रुपमा लिइन्छ । ती शिशु कायरोको इल सेनबेलाविन अस्पतालमा जन्मिएका हुन् । उनका अन्य विकलांगता पनि भएको प्राप्त समाचारमा जनाइएको छ । उनी केही दिन भन्दा बाँच्न नसक्ने चिकित्सकहरुले जनाएका छन् ।

आमाको कोखमा हुँदा सकेटको राम्रोसँग विकास नभएका कारण उनको एक मात्र आँखा र नाक नभएको जनाइएको छ । बालक गर्भमा रहँदा आमाले केही औषधी खाएको वा रेडियसनको प्रभावका कारण बच्चा सो अवस्थामा जन्मिएको बताइएको छ । बच्चाको उपचारमा संलग्न चिकित्सक अहमेद बद्रुदिनका अनुसार बच्चामा अन्य शारीरिक विकलांगता पनि देखिएकोले उनी धेरै दिन बाँच्न सक्दैनन् ।