दुर्घटनाग्रस्त रुसी विमानमा सवार २ सय २४ जनाको मृत्यु (अपडेट)

एजेन्सी, कातिक १४ । इजिप्टको मध्य सिनाइमा शनिबार दुर्घटना भएको रसियन एअरलाइन्सको ‘ए–३२१’ एअरबस विमानमा सवार सबै २ सय २४ जनाको मृत्यु भएको छ । विमानमा चालक दलका ७ सदस्यसहित र २ सय १७ जना यात्रु सवार थिए । विमानमा १ सय ३८ महिला, २ देखि १७ वर्ष उमेरसम्मका १७ जना बालबालिका गरी २ सय १७ यात्रु थिए ।

इजिप्टबाट रुसका लागि उडेको उक्त जहाँजमा बेपत्ता भएको एक घण्टपछि नै दुर्घटनाग्रस्त फेला परेको र अधिकारीहरुले दुर्घटनास्थल हसाना क्षेत्रबाट यात्रुका सबै शवहरु र विमानको ‘ब्ल्याक बक्स’ पनि निकालिएको जनाएका छन् । रुसी पर्यटक बोकेर इजिप्टबाट रुसतर्फ गईरहेको सो जहाज सम्पर्कबिहिन भएपछि दुर्घटनामा परेको हुनसक्ने अनुमान गरिएको थियो । बिमान ईजिप्टको सिनाईमा दुर्घटनाग्रस्त फेला परेको हो । बिमान ईजिप्टको सर्म अल सेखबाट रसियाको सेन पिटर्सवर्गका लागि उडेको थियो । बिमानमा १७ जना बालबालिका रहेको बताइएको छ । उडानमा रहेको बिमान राडारबाट सम्पर्क बिहिन भएको २३ मिनेटपछि दुर्घटनामा परेको बताइएको छ । विमान दुर्घटनाको कारण पत्ता लाग्न नसकेको ईजिप्टका अधिकारीहरुले जानकारी दिएका छन् । बिमान ईजिप्टको समय अनुसार विहान ६ बजेर २० मिनेटमा सम्पर्कबाट हराएको थियो ।

सम्पर्कबाट टुटेको २३ मिनेटपछि बिमान दुर्घटनामा परेको हो । बिमान दूर्घटना हुँद बिमान पूर्ण रुपमा क्षतिग्रस्त भएको । बिमानमा आगलागी भएको र तत्काल आगो निभाउन नसकिएका कारण बिमान पूर्ण रुपमा जल्न पुगेको र बिमानमा रहेकाहरु जिवित भेटिने कुनै सम्भावना नरहेको ईजिप्टका अधिकारीहरुले बताएको एसोसिएट प्रेसले उल्लेख गरेको छ ।
बिमान लण्डनबाट ईजिप्ट र ईजिप्टबाट रसियाको सेन्ट पिटर्सवर्गका लागि उडेको थियो । बिमान पिटर्सवर्गमा बिहमन १० बजेर ३६ मिनेटमा अवतरण हुने समय रहेको थियो । रुसी राष्ट्रपति भ्लादिमिर पुटिनले विमान दुर्घटना प्रति दुःख व्यक्त गर्र्दै आइतबार एकदिने राष्ट्रिय शोकको घोषणा गरेका छन् । उनले दुर्घटनाको अनुसन्धानका लागि आदेशसमेत दिएका छन् ।

यात्रुहरुको शव विमानको सीटमा च्यापिएको अवस्थामा भेटिएका थिए । विमानमा रहेका २ सय १४ यात्रु रुसी र तीन युक्रेनी नागरिक हुन् । दुईओटा टुक्रामा उछिट्टिएर दुर्घटनाग्रस्त भएको विमानको एक भागमा आगो लागेको र अर्को चट्टानमा ठोक्किएको थियो । रुसी अधिकारीहरुले उडान भरेको २३ मिनेटमा साइप्रस एअर ट्राफिक कन्ट्रोलसँग विमानको सम्पर्कविच्छेद भएको जनाएका छन् ।