काठमाडौं, असोज २५ । संविधान निर्माणमा आफनो सहभागिता नपाएर बिच्किरहेको भारत सरकार निर्माणमा भूमिका खेलेर आफ्नो ‘इगो मेन्टे्न’ गर्न चाहन्थ्यो । त्यसैले राजदूत रञ्जित रे मात्र होइन ‘र’का पूर्व स्पेसल सेक्रेटरी एबी माथुर र वर्तमान प्रमुखले नेपालको प्रधानमन्त्री चुनावमा सक्रियता देखाए । उनीहरुले नै बुहमत पुर्याइदिने प्रतिबद्धता व्यक्त गरेपछि सुशील कोइराला उम्मेदवारका रुपमा अघि सरे ।
सुशील कोइरालालाई रिपोर्टिङ गरिएको थियो, ‘एमाओवादी टुक्रने निश्चित छ । राप्रपा र राप्रपा नेपालले सिंगै कांग्रेसको पक्षमा भोट नहाले पनि ती टुक्रन्छन् ।’ यसरी बहुमत पुग्छ भनेर विश्वस्त गराइएपछि कोइराला अघि सरे ।
महत्वपूर्ण परिघटनामा राष्ट्रपति सधै सक्रिय हुँदै आएका छन् । यसपालि प्रधानमन्त्री चुनावमा पनि उनी निरपेक्ष बस्न सकेनन् । राष्ट्रपतिले शेरबहादुर देउवा र रामचन्द्र पौडेललाई शीतलनिवास बोलाएर दाबेदारी नछाड्न अनुरोध गरे र सुशील कोइरालालाइ अघि सर्न उत्साही बनाए । आजको नयाँ पत्रिकामा खबर छ ।
No comments:
Post a Comment